არჩევნების მოდელი (ადვოკატები და იურისტები)

ინტერეს ჯგუფი: ადვოკატებისა და იურისტების ინტერეს ჯგუფი

ინიციატივის სახელწოდება: სამართლიანი და თავისუფალი არჩევნები

საკონტაქტო პირი და ელფოსტა: ნანა ამისულაშვილი, nana.amisulashvili@gmail.com, ლილი ბეგიაშვილი, lilybegiashvili@gmail.com 

ინიციატორის სახელი და გვარი: ლილი ბეგიაშვილი

სტატუსი: მიმდინარე

გამოწვევა / პრობლემა

2021 წლიდან მოყოლებული, „ქართულმა ოცნებამ“ მიზანმიმართულად შეცვალა საარჩევნო კანონმდებლობა, რათა 2024 წლის 26 ოქტომბრის არჩევნები სრულად და სისტემურად მიეტაცებინა. ამ პროცესში გამოყენებული იყო როგორც საარჩევნო კანონმდებლობაში მიზანმიმართული და გაყალბების ხელშემწყობი ცვლილებების შეტანა, ასევე ამომრჩეველზე ზეგავლენის ადმინისტრაციული, ფინანსური თუ სხვა ტიპის რესურსი და მექანიზმი, რამაც, საერთო ჯამში, გამოიწვია ხმის მიცემის ფარულობის, არჩევნების საყოველთაობის, ნების თავისუფლებისა და თანასწორობის კონსტიტუციური პრინციპების დარღვევა, ასობით ათასი ამომრჩევლის ხმისა და არჩევნების შედეგების მიტაცება.

ამ პროცესმა გამოიწვია არჩევნების შედეგებისადმი ნდობის სრული ჩამოშლა ქართულ საზოგადოებაში, ოპოზიციურ ძალებსა და საერთაშორისო პარტნიორებში. არჩევნების ოფიციალური შედეგების, გამოყენებული ელექტრონული ტექნოლოგიებისა და მომავალი არჩევნების მიმართ საზოგადოების რწმენა უკიდურესად დაბალია. ნდობის კრიზისი კი სერიოზულ საფრთხეს უქმნის ქვეყნის დემოკრატიულ განვითარებას, ამომრჩევლებში იწვევს ნიჰილიზმს და ეჭვქვეშ აყენებს არჩევნებს, როგორც მმართველობის მშვიდობიანი და ლეგიტიმური ჩანაცვლებისინსტრუმენტს.

მიზანი
საარჩევნო პროცესის მიმართ ნდობის აღსადგენად და სამართლიანი, თავისუფალი არჩევნების მდგრადი სამართლებრივი და ინსტიტუციური გარემოს შესაქმნელად, საზოგადოების ფართო ჩართულობით, საარჩევნო სისტემის მოდელისა და რეფორმის პაკეტის შემუშავება, რომელიც თანამედროვე ტექნოლოგიებისა და საზოგადოებრივი სადამკვირებლო მექანიზმების გამოყენებით უზრუნველყოს საარჩევნო პროცესის გამჭვირვალობას, საარჩევნო ადმინისტრაციის დამოუკიდებლობასა და მონაწილე სუბიექტებს შორის სამართლიან კონკურენციას.

შედეგი

1. საარჩევნო კანონმდებლობის კრიტიკული ანალიზისა და გადახედვის საფუძველზე ახალი საარჩევნო მოდელის ჩამოყალიბება; საზოგადოების ინფორმირებულობის გაზრდა და დეზინფორმაციასთან ეფექტიანი ბრძოლა;

2. ახალი, დამოუკიდებელი და მიუკერძოებელი საარჩევნო ადმინისტრაციის ჩამოყალიბება, რომლის შემადგენლობა და საქმიანობა დაიმსახურებს საზოგადოების ნდობას და გაზრდის ამომრჩეველთა აქტიურობასა და ჩართულობას საარჩევნო პროცესში;

3. საარჩევნო პროცესში გამოყენებადი ელექტრონული ტექნოლოგიების სრულყოფა და მათი სანდოობის უზრუნველყოფა;

4. ადგილობრივი დამკვირვებლების ძლიერი და მაღალპროფესიონალური ქსელის შექმნა და კვალიფიციურ საარჩევნო სუბიექტებთან კოორდინაცია.

ინიციატივის განხორციელების ვადები

ვადა 1:  ინიციატივის კონცეფციის დოკუმენტის მიღებაა - 2025 წლის 10 მარტი

ვადა 2:  შუალედური შედეგების განხილვა და საჯარო დისკუსიების მოწყობა - 2025 წლის 7 აპრილი - 31 მაისი

ვადა 3:  ინიციატივის საბოლოო შედეგების განხილვა - 2025 წლის 10 ივნისი