სოლიდარობა მარიკა ვაჭარაძეს - საინფორმაციო ცენტრი ნატოსა და ევროკავშირის შესახებ

ქუთაისის საზოგადოებრივი ასამბლეის  და საქართველოს საზოგადოებრივი ასამბლეის რეგიონების ინტერეს ჯგუფის ერთობლივი განცხადება

სოლიდარობა მარიკა ვაჭარაძეს - საინფორმაციო ცენტრი ნატოსა და ევროკავშირის შესახებ

დღეს, 1 ივლისს საინფორმაციო ცენტრმა ნატოსა და ევროკავშირის შესახებ (NATO & EU Info Center) ფუნქციონირება შეწყვიტა.

ქუთაისის  საზოგადოებრივი ასამბლეის წარმომადგენელი - მარიკა ვაჭარაძე, რომელიც დღემდე  საინფორმაციო ცენტრის ნატოსა და ევროკავშირის შესახებ ქუთაისის ბიუროს ხელმძღვანელობდა, ერთ-ერთია საგარეო საქმეთა სამინისტროს იმ თანამშრომლებს შორის, რომლებმაც 28 ნოემბერს საჯაროდ გამოხატეს უკმაყოფილება ქვეყნის საგარეო კურსის ცვლილებასთან დაკავშირებით და ხელი მოაწერეს საპროტესტო განცხადებას.

ქუთაისის საზოგადოებრივი ასამბლეა  და საქართველოს საზოგადოებრივი ასამბლეის რეგიონების ინტერეს ჯგუფი გამოხატავენ შეშფოთებას აღნიშნული ცენტრის გაუქმების თაობაზე და სოლიდარობას უცხადებს მარიკა ვაჭარაძეს, რომელმაც 2017 წლიდან დღემდე ჩაატარა 1000-ზე მეტი შეხვედრა, პიარ კამპანია და 50 000-ზე მეტ ადამიანთან კომუნიკაცია იმერეთის სოფლებში, თემებში, საჯარო უწყებებში, სკოლებში, ფერმერებთან, დევნილებთან, ახალგაზრდებთან, სტუდენტებთან! 

შემაშფოთებელია, რომ ამ ფაქტით უგულვებელყოფილია კონსტიტუციის 78-ე მუხლი, რომელიც  ხელისუფლებას ავალებს "კონსტიტუციურმა ორგანოებმა თავიანთი უფლებამოსილების ფარგლებში მიიღონ ყველა ზომა, ევროპის კავშირისა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციის უზრუნველსაყოფად"!