მცხეთის მუნიციპალიტეტის საზოგადოებრივი ასამბლეა

მიმდინარე პოლიტიკურმა და სოციალურმა კრიზისმა ცხადი გახადა, რომ მის მშვიდობიანად და დროულად დასაძლევად აუცილებელია პოლიტიკური სისტემის ცვლილება. ამისათვის კი აუცილებელია ქმედითი საზოგადოებრივი გაერთიანება, რომელიც იქნება ინკლუზიური, ღია და თანამშრომლობაზე დაფუძნებული.

👨‍👩‍👧‍👦 მიმდინარე წლის 8 თებერვალს ოფიციალურად შეიქმნა საქართველოს საზოგადოებრივი ასამბლეა და დღემდე მასში გაერთიანებულია 22 ინტერეს ჯგუფი, რაც დაახლოებით 3000-მდე ადამიანს აერთიანებს.

🧾ამ ეტაპზე მიმდინარეობს ასამბლეების შექმნა მუნიციპალიტეტებში და საქართველოს ნებისმიერ მოქალაქეს (გარდა პოლიტიკური პარტიის წევრის და პოლიტიკური თანამდებობის მქონე პირისა), 18 წლის ასაკიდან შეუძლია მასში გაწევრიანება, რათა თავადაც ჩაერთოს არსებული კრიზისის მოგვარების პროცესში, გააჟღეროს მისი მუნიციპალიტეტის, ქალაქის, სოფლის ხმა და დაიცვას მისი ინტერესები.

✅ ასამბლეა არის თვითორგანიზებაზე დაფუძნებული, მოხალისეობრივი გაერთიანება, ის არ არის ოფიციალურად რეგისტრირებული ორგანიზაცია, მოძრაობა ან პოლიტიკური პარტია.

თუ გსურს გახდე საქართველოში პირველი სახალხო გაერთიანების წევრი და წარმოადგენდე მცხეთის მუნიციპალიტეტის ხმას, შეავსე ქვემოთ მოცემული ფორმა და უახლოეს მომავალში დაგიკავშირდებით საინფორმაციო შეხვედრასთან დაკავშირებით. 👇